ژباړه: محمد فهیم عثمان
مخکې له دې چې کوچنیان مو له خوبه راویښ کړئ د څو شیبو لپاره یې په خوا کې کښینئ، په ټیټ غږ پرې آیت کرسي ولولئ، بیا یې په آرامه راپاڅوئ، او د چغو پرځای پري تسبیح ووایئ.
وړاندې له دې چې واړه مو ویده شي یوه شیبه یې ترڅنګ کښینئ، پدې یې وپوهوئ چې مینه ورسره لرئ، په غیږ کې یې ټینګ کړئ، او د سبا لپاره یې د یوه کار په کولو فکر ورجوړ کړئ ترڅو مسؤول ویده او بیداره را ویښ شي.
ماشومان مو د بیدارولو سره سم تلویزیون یا مبائل کتلو ته مه پریږدئ، ترڅو یې سترګې په ښه توګه وغوړیږي او شعاوې یې زیانمنې نه کړي.
د ماشوم د لاس، پښو او بدن چاپي کول یې کولی شي چې هغه آرام، هاضمه یې پياوړې او د خوب عادتونه یې ښه کړي، ددې سربېره ستاسو ترمینځ عاطفي اړیکې ټینګوي، نو له دغو حرکتونو یې مه بې برخې کوئ.
د ماشوم لوړ اخلاق او ښه سلوک د هغه د مور اوپلار ترمینځ د متقابل احترام طبیعي نتیجه ده او برعکس همداسې.
په اونۍ کې او یا هم د رخصتیو په ورځو کې د پلار یا مور تر څنګ ماشوم ته د خوب اجازه ورکول ستاسو ترمینځ روحي اړیکي پیاوړې کوي، او د هغه له ذهن څخه یې د مور او پلار د اړیکې په اړه وهمونه او شکونه ورکوي.
لاندې عبارتونه مو کوچنیانو ته وکاروئ:
زه پرتا فخر کوم
ته د کورنۍ ویاړ یې
ته غوره او مینه ناک شخص یې
ته ددې په اړه څه وایې؟
آیا مرسته دې وکړم …….؟
ماشوم ته قناعت ورکول او ځان ترې نه خلاصول د هغه د نه عناد غوره علاج دی ځکه له هغه سره نتیجې ته نه رسیدل دا فکر ورکوي چې ګوندې ناحقه ګټه یې وکړه.
مخکې له دې چې ماشومانو ته هغه څه ورکړئ چې پسي ژړا کوي لمړی ترې د کراریدلو غوښتنه وکړئ، ترڅو په ژړا عادت نشي او د غوښتنې پر وخت یې سلوک سم شي.
کله چې مو وغوښتل ماشوم مو له خوبه راویښ کړئ ترڅنګ یې کښینئ، د پاڅیدلو سره سم یې په غیږ کې ټینګ کړئ، ورته مسکي شئ او ښکل یې کړئ، ترڅو مو ماشوم د مینې او عاطفې نه په ډکو شیبو کې راویښ شي.
هغوئ ته د خدای سره د میني کلمات وکاروئ او ورته ووایئ: الله تعالی له مونږ سره مینه کوي، الله تعالی زمونږ روزي رسان دی……..
نو هرکله چې هغه د الله تعالی سره په مینه راسترشي، له ګناهونو ویریږي، نیک عملونه کوي او د همزولو په پرتله خورا تکړه او هغوی یې تر اغیز لاندې راځي.
