عراق: په نجف ښار کې د بانفوذه شیعه مشر پر کور هوایي برید شوی

کابل ټکى کام (یکشنبه، ۱۷ لیندۍ ، ١٣٩٨ل)

د فرانسې خبري اژانس د راپورله مخې د عراق په نجف ښار کې د شعیه ګانو د مشر مقتدا صدر پر کور د بې پیلوټه الوتکې برید شوی دی.

که څه هم په دې برید کې د احتمالي مرګ ژوبلې په اړه راپور نه دی ورکړل شوی خو ویل کېږي چې نوموړی د برید پر مهال په خپل کور کې نه و.

په ورته وخت کې د پروني برید له قربانیانو سره په دې هېواد کې د تازه تاوتریخوالي پر مهال د وژل شویو اعتراض کوونکو شمېر ۱۷ تنو ته رسېدلی دی.

تر اوسه د برید پړه کوم لوري پر غاړه نه ده اخیستې. مقتدا صدر په یاد هېواد کې د وروستیو حکومتي ضد اعتراضونو کلک ملاتړی و.

دا اعتراضونو له اوږدې مودې راهیسې د عراق په مختلفو ښارونو کې لاهم روان، او دخپلو غوښتنو په منلو ټینګار کوي. دې اعتراضونو کې دسلګونه وګړو له مرګ ژوبلې خبر ورکړل شوی دی.