کابل ټکی کام (یکشنبه، ۳۰ سلواغه، ۱۴۰۱ل)
په داسې حال کې چې د ترکیې او سوریې په زلزله ځپلو سیمو کې لا هم د ژغورنې عملیات دوام لري له یادو هیوادونو وروستي راپورونه وایي، چې د مړو شمېر ۴۶ زره او د ټپیانو تر یو لک او ۳۰ زرو اوښتی ده.
د ترکیې د عامې روغتیا وزارت د یوې خبر پاڼې په خپرولو سره ویلي، چې له نړېدلو ودانیو تر اوسه ۴۰۰۰۰ زره مړي او یو لک ټپیان را ایستل شوي دي.
په ورته مهال سوریایي چارواکو خبر ورکړی، چې د حکومت تر واک لاندې سیمو کې یې ۶۰۰۰ زره مړي او ۳۰ زره ټپیان له خاورو را ایستلي دي. د چارواکو په خبره د یا غیانو تر کنترول لاندې سیمو کې به هم ښایي د زلزلې له امله زرګونو کسانو ته مرګ ژوبله اوښتې وي؛ خو په رسمي توګه نه شي ویلی چې هلته به څومره کسان وژل شوي وي.
د ویلو ده چې ملګرو ملتونو خبرداری ورکړی، چې د ترکیې او سوریې په زلزله کې د قربانیانو شمېر ښایي درې برابره ډېر شي ځکه اوس هم زرګونه کسان تر نړېدلو ودانیو لاندې بند پاتې دي او نور یې د ژوندي پاتې کېدو امکان مخ پر ختمېدو ده.
