کابل ټکی کام (یکشنبه، ۱۸ لیندۍ، ۱۴۰۳ل)
د الجزیرې تلویزیوني شبکې د خبر له مخې په دغو بریدونو کې مهم او ستراتېژیک ځایونه په نښه شوې دي.
اسرائیلي ځواکونو د سوریې یو شمېر سیمې هم نیولې دي.
بلخوا امریکایي چارواکو ویلي، که اسرائیلو ته ګواښ پیښ شي، نو دوی به غلي پاتې نشي.
د یادونې وړ ده، چې د اسرائیلو لومړي وزیر د کابینې غونډې ته ویلي، چې
د ۱۹۷۴م کال د “فض الاشتباك” تړون چې د جولان په سیمه کې د سوریې او اسرائیل تر منځ د اوربند په موخه شوی و، اوس له منځته تللی دی.
نتنیاهو پوځ ته لارښوونه کړې، چې په سیمه کې د بې وسلې شوې ساحې او د هغې شاوخوا مهمو پوځي موقعیتونو کنټرول ترلاسه کړي.
دا اعلان ښایي د سیمې پر امنیتي وضعیت او د سوریې او اسرائیل ترمنځ کړکېچ باندې جدي اغېزې ولري.
