ولسمشر اردغان: ډرون الوتکې یې د ۵۰ دوستو هېوادونو د هوایي حریم ساتنه کوي
کابل ټکی کام (چهارشنبه، ۱۲ لیندۍ، ۱۴۰۳ل)
د ترکيې ولسمشر رجب طيب اردوغان وايي، چې د ترکيې ډرون الوتکې تر ۵۰ د دوستو هېوادونو د هوايي حريم ساتنه کوي.
نوموړي دغه راز ويلي، چې د دې هېواد دفاعي پرمختګ له ۲۰ سلنو څخه ۸۰ سلنو ته لوړه شوی چې په وينا يي، په دې برخه کې د ځان بسياينې پر لور روان دی.
د ترکيې ولسمشر په يو ويډيوي کنفرانس کې دا ادعا هم کړې، چې په تېر يو کال کې يې د نورو هېوادنو په پرتله د ډرون ټکنالوژۍ په برخه کې ډېر صادرات درلودل.
