د زمري ۲۸مه؛ په ټول هېواد کې عمومي رخصتي اعلان شوه
کابل ټکی کام (يکشنبه، ۲۶ زمری، ۱۴۰۴ل)
د کار او ټولنیزو چارو وزارت ويلي چې د زمري یا اسد ۲۸مه، د انګریزي استعمار څخه د هېواد د خپلواکۍ د بیرته اخیستلو د ۱۰۶ مې پرتمینې کلیزې په مناسبت، په ټول هېواد کې عمومي رخصتي ده.
وزارت ټولو کارکوونکو او ولس ته یادونه کړې چې دغه ورځ د هېواد لپاره ځانګړې تاریخي او ملي اهمیت لري او د دې په مناسبت به دولتي او خصوصي ادارې رخصت وي.
