پروان، سیاګرد کې د کور د چت لوېدو پېښه کې ۸ کسان شهیدان او یو ټپي شوی
کابل ټکی کام (شنبه، ۲۲ وری، ۱۴۰۵ل)
د پروان ولایت په سیاګرد ولسوالۍ کې د یوه کور د چت لوېدو له امله د یوې کورنۍ اته غړي شهیدان شوي او یو بل کس ټپي شوی دی.
د پروان د والي ویاند سید حکمتالله شمیم ویلي، دا پېښه تېره شپه شاوخوا دوه بجې رامنځته شوې ده.
نوموړي زیاته کړې، چې پېښه د بغندک کلي د دره خیشک په سیمه کې شوې او په قربانیانو کې ښځې، ماشومان او نارینه شامل دي.
ځايي مسوولین وايي، د پېښې ټپي شوی کس روغتون ته لېږدول شوی او د سیمې د وضعیت د ارزونې لپاره اقدامات روان دي.
