اسیايي پراختیايي بانک له افغانستان سره د ۸۷۸ میلیون ډالره مرستې اعلان وکړ
کابل ټکی کام ۱۴غويي/۱۳۹۵، احمدالله مهاجر
د اسیايي پراختیايي بانک له لورې له افغانستان سره د ټرانسپورټ، انرژۍ او د طبیعي پېښو د مخنیوي په برخه کې د ۸۷۸ میلیون ډالره مرستې اعلان شوی دی.
پرون د جرمني په فرانکفورت ښار کې د یوې غونډې په دایرولو سره د دغه بانک رئیس توماس پنیلا د افغانستان د مالیې له وزیر اکلیل حکیمي سره د کتنې پر مهال له افغانستان سره د مرستې اعلان وکړ.
توماس وویل، چې د دوی بانک به د افغانستان د ودې او انکشاف لپاره خپلې مرستې جاري ساتي.
په دغه غونډه کې شاوخوا ۳۰۰۰ وزیرانو، یو شمېر لوړپوړو چارواکو، د بانکونو رئیسانو، پانګوونکو او د مدني ټولنو غړیو ګډون کړی وو.
ویل کیږي، د اسیايي بانک دغه مرسته له هغې مرستې جلا ده، چې دغه بانک یې د افغانستان د بنسټي پروژو د وجهي صندوق له لارې کوي.
د یادولو ده، چې اسیايي پراختیايي بانک د افغانستان یو مهم مرستندویه بانک بلل کیږي.
