امریکا کې دوه اف ۱۶ جنګي الوتکې په هوا کې جنګېدلي
کابل ټکی کام ۲۰غبرګولي/۱۳۹۵، سمسور ګیلاني
د امریکا د متحده ایالاتو په جورجیا ایالت کې دوو اف ۱۶ جنګي الوتکو په هوا کې ټکر کړی دی، چې د الوتکو پیلوټانو د پراشوټ په مټ ځانونه ګوزار کړي دي.
د امریکا د سویلي کارولینا د ملي هوايي ځواکونو له خوا په ورکړل شویو څرګندونو کې ویل شوي دي، چې دوو اف ۱۶ جنګي الوتکو د شپې د نورمالو الوتنو پر مهال په هوا کې سره ټکر کړی دی.
دغه پېښه چې د جورجیا ایالت په ختیځ کې رامنځته شوې ده، د الوتکو پیلوټانو د پراشوټ په مټ ځانونه ګوزار کړي دي.
د دوی د څرګندونو له مخې چې د پیلوټانو روغتیایي حالت ښه دی.
د یادولو ده، چې تېره اونۍ هم د امریکا یوې اف ۱۶ او یوې بلې اف ۱۸ ډوله اکروباتیک الوتکو د تعلیمي الوتنو پر مهال سقوط کړی وو، چې پیلوټانو یې ځانونه د پراشوټ په مټ ګوزار کړي وو.
