د امریکا د ټکساس ایالت په پوهنتونونو کې محصلینو ته د سپکو وسلو ګرځولو اجازه ورکړل شوه
( کابل ټکی کام ۱۳۹۵ زمری ۱۲) زرغون خوږیاڼي
د امریکا د ټکساس ایالت په پوهنتونونو کې محصلینو ته د ځان د حفاظت لپاره د سپکو وسلو ګرځولو اجازه ورکړل شوه.
ویل کیږي، چې د امریکا په ټکساس ایالت کې د اورګان، کلوراډو او ویکانسین پوهنتونونو محصلینو ته د وړو وسلو ګرځولو اجازه شوې ده.
په راپور کې ویل شوي، چې په تکزاس ایالت کې خصوصي پوهنتونونه ددې امر نه مستثنا دي. د خصوصي پوهنتونونو محصلین نشي کولی، چې په پوهنتون کې وسلې وګرځوي.
د امریکا په ټکساس ایالت کې پداسې حال کې دولتي پوهنتونونو محصلینو ته د پوهنتون په انګړ کې د سپکو وسلو ګرځولو اجازه ورکړل شوه، چې د نوموړي هیواد ولسمشر بارک اوباما په وسلو ګرځولو د محدودیت لګولو هڅې کوي.
اروپايي شنونکو په دې اړه حیرانتیا څرګنده کړې ده، چې د نړۍ پدې پرمختللي هیواد کې محصلین په پوهنتون کې د وسلو سره ګرځي.
د بله پلوه په یاد شوي ایالت کې ځینو کارپوهانو پدې پریکړې نیوکه کړې ده او دې پریکړې نه يي د وینا د ازادۍ پر وړانډې د ګواښ او په پوهنتون کې د ویرې د فضا د حاکمولو په توګه یادونه کړې ده.
امریکا دا پریکړه وروسته له هغه وکړه، چې وخت نا وخته په پوهنتونونو او ښوونځیو کې وسله وال بریدونه رامنځته کیږي.
