ايټاليا: په زلزله کې د وژل شوو کسانو شمېر تر ۱۸۷ واوښت
(کابل ټکی کام ۱۳۹۵وږی ۴) الماس خدرخېل
په ايټاليه کې د تېرې زلزلې له امله د وژل شوو کسانو شمېر له ۱۸۷ تنو اوښتی ويل کېږي، چې نوموړې زلزله د ريښتر په کچه ۶،۲ درجې وه.
تر دې دمه په زلزله کې د ۳۷ وژل شوو کسانو مړي موندل شوي او تر ۱۵۰ نور يې تر کنډوالو لاندې دي.
رسنيو ويلي، چې زلزلې د ځينو ښارونو ډېری برخې په بشپړ ډول له منځه وړي، همدرانګه تر ۴۰۰ په شاوخوا کې خلک ټپیان شوي دي.
ځايي اوسېدونکي وايي، چې په نوموړې سيمه کې ډېری خلک د رخصتۍ موسم تېروي او هلته مېلو ته ورځي.
ژغورنکې ډله په ودانيو کې د ايسارو کسانو په لټون بوخته ده، دوی وايي شايد له ودانيو نور مړي هم راووځي.
د يادونې ده، چې شوې زلزلې پيسکاراډیل تورانټو، امرتسيا او پېراګيا ښارونه تر نورو ښارونو ډېر خراب کړي او نړولي.
