عربستان: په یمن کې اوربند ته اماده یو
کابل ټکی کام ۲۶تله/۱۳۹۵، سمسور ګیلاني
د سعودي عربستان د بهرنیو چارو وزیر الجبیر نن دوشنبه اعلان کړه، چې دوی په یمن کې اوربند ته اماده دي.
نوموړي وویل:
«مونږ په یمن کې د حوثیانو د موافقت په صورت کې اوربند ته اماده یو.»
الجبیر دغه څرګندونې داسې مهال کوي، چې تېره ورځ امریکا په یمن کې د اوربند غوښتنه کړې وه.
په یمن کې د انصارالله او د سعودي ځواکونو ترمنځ وخت نا وخت جګړې کیږي، چې ډېری وخت د دغو جګړو قرباني ملکي وګړی وي.
د یادولو ده، څه موده وړاندې د سعودي عربستان هوايي ځواکونو په یمن کې پر یوه کور هغه مهال برید وکړ، چې د واده مراسم پکې روان وو.
