کراچۍ: د اور لګېدو پېښه کې ۱۱ تنه وژل شوي
(کابل ټکی کام ۱۳۹۵ لیندۍ ۱۵) الماس خدرخیل
د پاکستان د کراچۍ ښار په يوه هوټل کې د اورلګېدو له امله ۱۱ تنه وژل شوي او يو شمير نور ټپيان دي.
د کراچۍ ښار پوليس وايي، چې اور د کراچۍ ښار په جنوب کې د ريجينت پلازا په څلور- ستوريز هوټل کې لګېدلی دی.
چارواکي وايي، په وژل شويو کې څلور تنه ښځې هم شاملې دي.
د اور لګېدو اصلي لامل لا نه دی څرګند شوی، خو د هوټل مسؤلينو ويلي، چې اور لومړی د هوټل په زيرزميني کې په پخلنځي کې ولګېدو او بيا د هوټل نورو برخو ته خور شوی دی.
ځايي اوسېدونکي د اورلګېدو علت د برق شارټي بولي.
