(کابل ټکی کام، ۱۳۹۷، مرغومی ۱۱)
د افغانستان د اساسي قانون پر تطبيق د څار کمېسیون د امنيت شورا پخواني سلاکار حنيف اتمر د ټاکنو ځنډولو ته غبرګون ښودلی او دا کار يې د اساسي قانون سره په ټکر کې بللی دی.
د اساسي قانون پر تطبيق د څار کمېسيون په يوه خبرپاڼه کې پر ټاکنو د خپل وخت پر ترسره کولو ټينګار کړی زياتوي چې د اساسي قانون ماتول ورته د منلو وړ نه دي.
دوه ورځې مخکې د ټاکنو کمېسيون د درې مياشتو لپاره د ولسمشريزو ټاکنو د ځنډولو اعلان وکړ او ويې ويل چې ټاکنې به د روان کال د سرطان مياشتې په نهه ويشتمه نيټه ترسره کېږي.
خو له دغه اعلان سره سم یو شمير سياستوالو، سیاسي ګوندونو او بنسټونو نيوکې وکړې چې بايد پر خپل دې ترسره شي.
د ټاکنو شکاياتو کمېسيون او پر ټاکنو د څار او ځينې نورو بنسټونو وويل، هغه دلايل چې ټاکنو کمېسيون يې د ځنډولو لامل بولي د منلو نه دي.
دغه راز تازه د افغانستان د ملي امنيت پخواني سلاکار چې ويل کېږی راتلونکو ټاکنو لپاره احتمالي کانديد هم دی، ټاکنو ځنډولو ته غبرګون ښودلی وايي، هغه څه چې د اساسي قانون سره په ټکر کې ترسره شي د خلکو پر حقونو تيری دی او د ټاکنو ځنډول د اساسي قانون له حکمونو سره په ټکر کې دي.
د اتمر له مطبوعاتي دفتر څخه په خپره شوې خبرباڼه کې پر اساسي قانون تيری کول پر جمهوري نظام تور داغ یاد شوی زياتوي ټاکنې د حکومتي کړيو د فشار له امله ځنډول شوي چې دا کړنه به پر ملي بنسټونو د خلکو بې باوري لا زياته کړي.
تيره ورځ داسې راپورونه ورکول شول چې د کرزي په خوښه حنيف اتمر د ځان لپاره محقق او یونس قانوني مرستيالان ټاکلي چې ويل کېدل نن به نوم ليکنه وکړي خو د هغوی سره د نن ورځې د نه ليدلو له کبله يې د ولسمشرۍ لپاره نومليکنه پاتې شوې ده.
