ترکیه: د ناقانونه کډوالو بیړۍ ډوبه شوې، ۸ تنه مړه شوي
کابل ټکی کام( سه شنبه، ۲۷ غبرګولي، ۱۳۹۸)
د ترکیې په موغلا ولایت کې د ناقانونه کډوالو هغه بیړۍ چې د یونان پر لور رهي وه، ډوبه شوې ده.
دا پیښه نن سهار د بودروم ولسوالۍ د تورګوت رئیس نومي کلي ته څیرمه رامنځته شوې او ځاني تلفات یې اړولي دي.
سیمې ته د ژغورنې ډلې هغه مهال ورسېدې او د ورکړل شویو راپورونو په اساس چې کښتۍ ۳۴ متره د اوبو تل ته کوزه شوې وه.
د ژغورنې ډلې د ۸ تنو مړو جسدونه پیدا کړي، پاتې نور یې ژوندي ژغورلي او د یوه تن جسد ورک دی.
تر اوسه لا مالومه نه ده چې د کښتۍ د ډوبیدو لامل څه وو او په کښتۍ کې د سپرو کسانو هویت هم لا نه دی مالوم شوی.
په ترکیه کې ناقانونه کډواله چې ډیری وخت زیات افغانان هم پکې وي، له ورته ستونزو او تکلیفونو سره مخ کیږي.
