کابل ټکی کام( دوشنبه، ۳چنګاش، ۱۳۹۸)
د امریکا د بهرنیو چارو وزیر مایک پمپیو سعودي عربستان ته رسیدلی دی.
مایک پمپیو منځني ختیځ ته په سفر وتلی چې په ترڅ کې به یې متحده عرب اماراتو ته هم ولاړ شي.
پمپیو غواړي چې د ایران په ضد یو نړیوال ائیتلاف رامنځته کړي، دی وایي له خپلو سني متحد هیوادونو سره پر دې خبرې کوي چې څنګه د نړۍ د ستر ترهګر په ضد یو نړیوال ائیتلاف جوړ کړي.
پمپیو په داسې حال کې سعودي عربستان ته رسیدلی چې حوثیانو په سعودي کې یو هوایي ډګر د دوهم ځل لپاره بیا په نښه کړی او مرګ ژوبله یې اړولې ده.
په ایران تور پورې کیږي چې د حوثي یاغیانو تر شا لاس لري.
د یادونې وړ ده چې سعودي او متحده عرب امارت د امریکا تر څنګ ولاړ دي خو قطر او کویت بیا د دوی دا پالیسي غندي.
