کابل ټکی کام (پنجشنبه ، ۳ زمری ، ۱۳۹۸ل)
دهېواد پخواني ولسمشر حامدکرزي د روسیې اوچین په شمول په یوشمېر سمییزو هېوادونو غږ کړی چې دافغان سولې په تړاو دې دضامنینو په حیث خپل مثبت رول څرګند کړي.
کرزي، چې بهرنیو چارو وزارت کې یې د افغانستان د تېرو سلو کلونو ډیپلوماټیکو روابطو په مناسبت جوړې شوې غونډې ته وینا کوله د سولې پروسه کې د چین، روسیې ترڅنګ د هند، ایران او نورو ګاونډيانو پر حضور ټینګار وکړ.
د افغانستان پخواني ولسمشر حامدکرزي د یوه قوت په توګه د روسیې ظهور د افغانستان په خیر ګڼلی دی.
کرزي دخپلوخبرو پردوام يو وار بيا د امریکا د ولسمشر ډونالډ ټرمپ وروستیو څرګندونو ته په اشارې ویلي، چې افغانان پامیریان دي او هیڅوک د نړۍ بام محوه کولی نه شي.
کرزي د سولې په روانه پروسه کې د چین، روسیې، هند، ایران او ځینو نورو منطقوي هیوادونو په حضور د ټینګار تر څنګ ویلي چې روسیه او چین باید ددې پروسې د ضامنینو هیوادونو په حیث نقش ولري.
نوموړي تردې وړاندې هم دسولې روانه پروسه کې دیوشمېر سمییزو او نړیوالو قدرتونه په منځګړیتوب ټینګار کړی و، اوهیله یې ښودلې وه چې دابه دمتقابلو جهتینو تر منځ داعتماد فضاء رامنځته کړي.
