کابل ټکی کام (جمعه ، ۴ زمری ، ۱۳۹۸ل)
دوسله والو طالبانو دسیاسي دفتر رئیس ملابرادر له خپل اته کسیز پلاوي سره داندونیزیا اسلامي هېواد پر لور حرکت کړی دی.
دطالبانو ویاند ذبیح الله مجاهد په خپله تویټر پاڼه ددې خبر تائید کړی، او موخه یې ددواړو هېوادونو ترمنځ سیاسي روابط یاد کړي.
مجاهد لیکلي《د محترم ملا برادر اخند په مشرۍ د اسلامي امارت یو اته کسیز پلاوې نن سهار له قطر څخه د اندونیزیا اسلامي هیواد پر لور روان شو.
په دغه سفر کې به د دواړو هیوادونو ترمنځ د ښو سیاسي اړيکو او د سولې او راتلونکي افغانسان لپاره د همکارۍ په اهمیت خبرې وشي》
دا سفر داسې مهال کیږی چې تاکل شوې نږدې راتلونکی به یوځل بیا دامریکایي او طالب مذاکراتي ټیم تر منځ اتم پړاو مذاکرات پیل شي چې داځل هم دیو برخلیک ټاکونکي توافق هیلې شته.
