لیکوال: امین وردګ
دغه غونډله یا جمله) ملا او سیاست؟! ( به کېدای شي چې د اسلام له اوائلو سره تړاو ولري او که یې لوڅه ووایو؛ نو دا هماغه د قریشي مشرانو)عمر ابن هشام، امیه ابن خلف، عتبه او ولید( زهرجنه جمله ده چې د اسلام او انسانیت د ستر لارښود ) حضرت محمد صل الله علیه و آله وسلم(او د هغه مبارک د خوږو ملګرو په وړاندې به یې وخت ناوخت کاروله، له هغه راوروسته به رومیانو او فارسو په ژبو کې اړوله او را اړوله.
لنډه دا چې دغه جمله په ټولنه کې مشهوره او دود شوه؛ هر وخت به د اسلامي لښکرو د سرکښانو په وړاندې کارېدله، تر دې چې د شلمې پېړۍ په دویمه او دریمه لسیزه کې بیخي ولمسوول شوه.
خو چې کمونستانو په افغانستان کې هګۍ واچولې؛ دا جمله نوره هم پیاوړې شوه، مګر کله یې چې له هګیو بچي ووتل نو لومړی)) چیو – چیو(( یې همدغه جمله شوه.
خو چې د هغوی ټغر هم ټول شو نو دا جمله لږه ویده غوندې شوه، تر دې چې افغانستان کورنیو جګړو وخوړ.
خو له کله نه چې افغانستان د اسلامي تحریک او اسلامي امارت لاسو ته ولوېد، نو دغې ویدې جملې یو ځلې بیا سر را پورته کړ او راویښه شوه، خو دا ځل نړیوال تعصب بیخي کش ورکړ؛ هم به کمونستانو په خولو کې اړوله او را اړوله هم سوسیالیستانو او هم امپریالیستانو؛ تر دې چې کله امریکا او متحدینو یې زموږ ګران افغانستان اشغال کړ نو بیا به هر دله او دیوس ښه په زغرده سره د ملا او عالم په وړاندې دا بدله زمزمه کوله چې)د ملا یې له سیاست سره څه دي؟!( لنډه یې دا چې د هر چا غوږ ته ورسېدله.
مګر کله چې دغه مقدس قشر) ملایان او طالبان( له ټولې کفرې اشغالګرې نړۍ او د هغوی له سپینسترګو غلامانو سره په مخامخ جګړو کې ښکېل شول او وروسته له یوې لسیزې جګړې څخه یې ښکېلاک تر پزې راوست، نو ایله بیله دغه جمله اسیره شوه.
مګر له یوې نیمې لسیزې جګړې څخه را په دېخوا بیا هر څه بدل شول! دغه نامناسبه جمله دار ته پورته شوه او رسۍ يې په غاړه کې پرېوتله.
نن چې همدغه قشر)ملایانو او طالبانو(غربي نړۍ په ګونډو کړې ، ښه په زغرده سیاست مخته وړي او په پوره جرئت سره یوې او بلې خواته په سپینو او تورو جامو کې -لکه د ځمکې فرشتې- سفرونه کوي او په دې هکله د هېچا پروا هم نه لري او ښه په ویاړ سره اسلامي او افغاني دود پګړۍ په سر کوي واسکتونه او څادر اغوندي او ټوله نړۍ یې په جګړه او روښان سیاست کې هکه پکه کړه؛ نو د) ملا او سیاست؟! ( کثیفه جمله هم په آخرنیو سلګیو کې تپيږي.
دا چې کله ښکېلاک په زور کډه شي، نو د دغې پلیتې جملې به هم دمه وخیژي او بیا به هېڅکله راژوندۍ نشي ان شاءالله.
