کابل ټکی کام (دوشنبه ، ۱۴ زمری ، ۱۳۹۸ل)
د هند حکومت دیو تازه فرمان په ترڅ کې د کشمیر خودمختاري لغوه اعلان کړې چې یوشمېر غبرګونونه یې راپارولي دي.
د ایسنا په نامه ایراني اژانس راپور ورکړی دی ،چې د هند لومړي وزیر نریندار مودي هغه قانون لغوه کړی دی ،چې له مخې یې کشمیر کې اوسېدونکې وګړي ازاد وو.
مودي، د نوموړي د ګوند غړو او هندي چارواکو نن په دې اړه یوه غونډه رابللې وه ،چې په پایله کې یې هغه قانون لغوه شو چې د کشمیر خلکو ته یې د ازادي په ګډون یو شمېر ځانګړي حقوق ورکول.
نوموړی دا پرېکړه په داسې حال کې کوي ،چې د هند تر واک لاندې کشمیر د هندي پوځ لخوا تر محاصرې لاندې دی او سیلانیانو ته یې امر کړی چې له جمو او کشمیر څخه ووځي.
دهند له لوري وروستي پوځي اقدامات پاکستاني چارواکو داندیښنې وړ بللي او په امریکا یې غږ کړی چې دکړکیچ په پای ته رسولو کې دې منځګړیتوب وکړي.
