کابل ټکی کام (دوشنبه ، ۱۴ زمری ، ۱۳۹۸ل)
پرون ځینې پاکستانیو سرچینو خبرورکړ چې ډېر ژر به یو لوړ پوړی امریکایي پلاوی دافغان سولې په اړه دخبرو لپاره اسلام آباد ته سفر وکړي.
ټاکل شوې نن دمنځنۍ او جنوبي اسیا په چارو کې د امریکا د بهرنیو چارو وزارت مرستیاله الیس ویلز پر افغان سوله د خبرو لپاره اسلام اباد ته سفروکړي ،څو له پاکستاني چارواکو سره د افغان سولې برخه کې پر وروستیو پرمختګونو خبرې وکړي.
دا خبرې یوه پاکستاني چارواکي رسنیو ته کړې دي. د ویلز ددې سفر جزیات لا په پوره ډول په ډاګه شوي نه دي.
نوموړې په داسې حال کې اسلام اباد ته سفر کوي چې د قطر په پلازمېنه دوحه کې د افغان سولې لپاره د امریکا ځانګړي استازي له طالب مشرانو سره اتم پړاو خبرې پیل کړې دي.
خلیلزا د یادو خبرو په لومړۍ ورځ ویلي وو چې یوې ښې هوکړې ته چمتو دي او طالبان هم ښیي چې غواړې دا هوکړه وروستۍ شي.
دې پړاو مذاکراتو ته دافغانانو په شمول سمییز اونړیوال هیوادونه خوشبین او دیوې برخلیک ټاکونکې توافق نامې خپریدا ته شیبې شماري.
