سعادت کلیوال
د ياسر صاحب رحمه الله خبره د روسانو يرغل د افغانانو لپاره ډېر تاواني نه و لکه څومره چې د امريکايانو يرغل د افغانانو او يا هم ټولو مسلمانانو لپاره تاواني دی، او دا ځکه چې روسانو خو که څه هم د عامو وګړو مرګ ژوبله ډېره زياته کوله او افغان ولس يې په بمبارونو ډېر زيات په شهادت رسول، خو کمونستان وو يعنې بې دينه خلک وو په دين کې ګوتې وهل او د فکر له لحاظه دومره خطرناک نه وو، خطرناک وو ځکه چې افغان کمونستان او خلقیان يې پوره بې دينه کړي وو خو په دومره کچه نه، لکه په کومه کچه چې امریکا د افغانانو په بې دينه کولو کې مخکې ده.
او د امریکا تر ټولو خطرناک کار دا دی چې په افغانستان کې يې د نورې اسلامي نړۍ په پرتله ډېر زيات ملحدين پيدا کړل او د مسلمانانو په خلاف يې وروزل، اوس که چېرته مجاهدين په امريکايانو باندې کوم کاري بريد وکړي نو سم دستي دغه ملحدين د دغه ډول برید په مقابل کې د اسلامي مقدساتو سپکاوی کوي او اسلامي مقدساتو په خورا بې عقلۍ او حماقت سره توهين کوي.
خو تر ټولو زيات افسوس د هغو خلکو پر عقلونو او ايمانونو چې د ملحدينو دغه توهين اميزه خبرو او اعمالو ته توجيهات لټوي او د ملحدينو دغه ډول اعمال نعوذ بالله سم تعيروي. او په اړه يې سم نظر لري . لکه څنګه چې ځینې خلک د فوزیې بې دینې کافرانه کار ته توجیه جوړوي وايي چه اسلامپالو مبارزينو به کنځل ورته کول نو ځکه یې دا کار وکړ، اوس پدې خبره د هر چا سر خلاصول چه ولې قران یواځې د طالبانو کتاب دی؟ یا دا چه ایا د کنځلو عکس العمل داسې کیدایشي… نو له دې به راتیر شو؛ اسلام ضد څیرې هر وخت خپل ناولي کارونه د مجاهدینو په وړه غلطي پورې نښلوي نو مبارزين ملګري چه لویې قربانئ یې ورکړې دي لږ دې نور هم حوصله وکړي، خپل جذبات او حواس دې په واک کې ولري او له داسې خلکو سره دې په بحث مباحثو کې وخت نه تیروي چه منطق نلري او یواځې کنځل کوي او ټاپې لګوي او شرعاً هم مجاهدین /مبارزین پداسې وخت کې مکلفيت نلري. نو باید ځان د الله تعالی ددې قول مصداق وګرځو:
[سُوۡرَةُ الفُرقان : 72]
وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا
(او د الرحمان بندګان هغه دي) چي د درواغو شاهدي نه وایي. او كه په كوم بابېزه شي باندي ورشي، نو د شريفو انسانانو په څېر ورڅخه تېریږي.
