کابل ټکی کام (یکشنبه، ۲۱ تله ، ۱۳۹۸ل)
د پاکستان لومړي وزیر عمران خان ایران ته له خپل سفر وروسته په تهران کې رسنیو سره په خبرو کې ویلي، غواړي د ایران او سعودي عربستان ترمنځ خبرو اترو ته زمینه برابره کړي.
د پاکستان بهرنیو چارو وزارت په یوې خبرپاڼه کې ویلي، تهران ته د عمران خان د سفر موخه په سیمه کې د امنیت او سولې په اړه خبرې اترې وې.
په ورته وخت کې خان په تهران کې د یاد هېواد له ولسمشر حسن روحاني سره یو ګډ خبري کنفرانس ته ویلي، پاکستان نه غواړي د سعودي او ایران ترمنځ کړکېچ وي، نو دی به د راتلونکې سه شبنې په ورځ سعودي ته لاړ شي او له سعودي چارواکو سره به هم په دې اړه خبرې اترې وکړي.
پاکستان په دې وروستیو کې دسیمې اونړۍ دامنیت لپاره خپل سفرونه کړي، دا سفرونه دعمران خان دملاتړو لخوا ستایل شوي، اویو شمېر مخالفینو غندلي هم دي.
