کابل ټکی کام (پنجشنبه، ۷ ثور، ۱۴۰۲ل)
د افغانستان د بهرنیو چارو وزارت وايي، چې په سوډان هېواد کې له ګډوډيو او جګړو څخه يې د افغانانو لومړنۍ جوپه ايستلې ده.
د بهرنیو چارو وزارت له لوري په خپره شوې اعلاميه کې راغلي ، چې د دغه وزارت په پر له پسې هڅو او د سعودي عربستان په همغږۍ او همکارۍ توانیدلي چې په سوډان کې د بند پاتې افغانانو لومړنۍ جوپه له دې هېواده وباسي او د سعودي عربستان جدې ښار ته يې ولېږدوي؛ ترڅو په لنډه موده کې هېواد ته راستانه شي.
بهرنيو چارو وزارت ويلي، اسلامي امارت د سعودي عربستان له شاهي مملکت څخه د زړه له کومې مننه کوي چې په دې برخه کې يې مرسته وکړه.
دغپ وزارت ټولو هېوادوالو ته ډاډ ورکړی وايي، چې په سوډان کې د نورو بند پاتې افغانانو د خوندي وېستلو لپاره يې هلې ځلې روانې دي او په دې برخه کې له ټولو امکاناتو څخه استفاده کوي.
