کابل ټکی کام (دوشنبه، ۳ وږی، ۱۳۹۹ل)
د پاکستان بهرنیو چارو وزارت هند په افغانستان کې د سولې پر وړاندې په خنډونو جوړولو تورن کړی دی او په خبره یې یاد هیواد نه غواړي چې په دغه هېواد کې د سیاسي جوړجاړي بهیر بریالی شي.
د پاکستان د بهرنیو چارو وزیر شامحمود قریشي په اسلام اباد کې یوې خبري ناستې ته ویلي، په قطر کې د طالبانو د سیاسي دفتر غړي یې د افغان سولې بهیر په اړه سلا مشورو ته ورغوښتي دي.
هغه همدا راز زیاته کړې چې دی به د سه شنبې په ورځ له یاد پلاوي سره وګوري او دوی به په دې برخه کې د اسانتیاوو رامنځته کولو ته وهڅوي.
نوموړي دا نه دي ویلي چې هند ولې د افغان سولې بهیر ناکامېدو هڅه کوي خو په وینا یې ډیری هېوادونه د افغان سولې برخه کې د پاکستان هڅې ستایي خو د هند په شمول نور بیا خنډونه جوړوي.
