کابل ټکی کام (چهارشنبه، ۶ وری، ۱۴۰۴ل)
د حماس د اسلامي غورځنګ د سیاسي دفتر غړي او ویاند “حسام بدران” کابل ټکي کام ویب سایټ سره په خبرو کې ویلي، چې امریکا منځګړیتوب نه بلکې د صهیونیستي اشغالګرو ملاتړ کوي.
ښاغلي بدران د خپلو خبرو پر دوام ویلي: د صهیونیستي ريژیم د بې ځایه کولو پلان به بریالی نه شي او له نړیوالې ټولنې یوځل بیا غوښتنه کوو، چې د فلسطیني ولس د حقونو لپاره مثبت دریځ غوره کړي.
بدران وایي: موږ د جګړې د بندولو هڅه کوو؛ خو اشغالګر ريژیم له تړون څخه سرغړونه وکړه او یوځل بیا یې یرغل پیل کړ.
د نوموړي په خبره اوسني وړاندیزونه نېمګړي دي، موږ غواړو د اوربند تړون ته بېرته ورستانه شو.
د ویلو ده، چې د حماس اسلامي غورځنګ دغه لوړ پوړي غړي د غزې په اړه د نړیوالې ټولنې په ځانګړې توګه د اسلامي نړۍ دریځ د اندېښنې وړ بللی؛ خو د یمني ځواکونو او حزب الله اسلامي غورځنګ څخه یې مننه کړې، چې تل یې د فلسطین قضیه خپله بللې او ملاتړ یې کړی دی.
