افغانستان د بنګلهدېش پر وړاندې لومړۍ یو ورځنۍ لوبه وګټله
کابل ټکی کام (پنجشنبه، ۱۷ تله، ۱۴۰۴ل)
د افغانستان کرکټ ملي لوبډلې د اتصالات جام یو ورځنیو سیالیو د لړۍ په لومړۍ لوبه کې بنګلهدېش ته د پنځو ویکټو په توپیر ماتې ورکړه او په درې لوبو لړۍ کې یې ۱-۰ مخکېوالی ترلاسه کړ.
بنګلهدېش د ټولو لوبغاړو په سوځېدو سره افغان لوبډلې ته د ۲۲۲ منډو هدف ورکړی و، خو افغان لوبغاړو دغه هدف د لوبې په ۴۷م اور کې د پنځو لوبغاړو په سوځېدو سره پوره کړ.
د یادولو وړ ده چې له دې وړاندې د شل اوریزو لوبو په لړۍ کې بنګلهدېش افغان لوبډلې ته درې پر صفر ماتې ورکړې وه، خو افغان لوبغاړو په یو ورځنۍ سیالۍ کې بېرته خپل قوت وښود.
