کابل ټکی کام (شنبه، ۳ لړم، ۱۴۰۴ل)
د ریاستالوزرا اقتصادي مرستیال ملا عبدالغني برادر اخوند د زلمي خليلزاد په شتون کې د سعودي عربستان د «دلتا انټرنشنل» شرکت له اجراییوي رییس شاهر التقي سره وکتل.
په دې کتنه کې دواړو لورو د ګازو د اکتشاف، استخراج او د نللیکو د غځولو په برخو کې د ګډو همکاریو په اړه مفصل بحث وکړ.
د «دلتا انټرنشنل» رییس د افغانستان د نفتو او ګازو په برخه کې د پانګونې لېوالتیا څرګنده کړه او د تخنیکي همکاریو ژمنه یې وکړه.
شاهر التقي وویل، د افغانستان طبیعي زیرمې د پانګونې لپاره مهم فرصتونه لري، او د ده شرکت به هڅه وکړي چې له افغان انجنیرانو سره خپلې تخنیکي تجربې او مهارتونه شریک کړي، څو د انرژۍ سکتور لا پیاوړی شي.
