ذبيح الله مجاهد: تېر کال د معادنو پر کوچنیو او لویو پروژو ۱۰ میلیارد افغانۍ پانګونه شوې
کابل ټکی کام (یکشنبه، ۱۱ زمری، ۱۴۰۵ل)
د اسلامي امارت ویاند مولوي ذبیحالله مجاهد ویلي، په ۱۴۴۷ هجري قمري کال کې د هېواد د معادنو په کوچنیو او لویو پروژو کې له ۱۰ میلیاردو افغانیو زیاته پانګونه شوې ده.
نوموړي ویلي، د کانونو او پټرولیم وزارت تخنیکي ټیمونو په ۲۷ ولایتونو کې ۴۵ نوې معدني سیمې هم پېژندلې او ثبت کړې دي.
مجاهد زیاته کړې، د تېر کال د کانونو د قراردادونو له امله له ۵۰ زرو څخه ډېرو کسانو ته په مستقیم ډول د کار زمینه برابره شوې ده.
د هغه په وینا، د معادنو قانون د لا بشپړتیا لپاره هم کار روان دی.
