عراقچي: د سیمې امنیت باید د سیمهییزو هېوادونو په همکارۍ تأمین شي
کابل ټکی کام (چهارشنبه، ۶ لړم، ۱۴۰۵ل)
د ایران د بهرنیو چارو وزیر عباس عراقچي د ایران، ترکیې، سعودي عربستان او پاکستان د دفاعي او امنیتي چارواکو د څلور اړخیزې غونډې په اړه ټینګار کړی، چې په سیمه کې تلپاتې امنیت باید د سیمې د هېوادونو په ګډون او د بهرنیو قدرتونو له لاسوهنې پرته تأمین شي.
عراقچي ویلي، د سیمې د امنیت او ثبات ټینګښت د سیمهییزو هېوادونو ګډې همکارۍ او همغږۍ ته اړتیا لري او په دې برخه کې باید د سیمې هېوادونه پخپله مخکښ رول ولوبوي.
د ایران د بهرنیو چارو وزیر دا څرګندونې په داسې حال کې کړې، چې د ایران، ترکیې، سعودي عربستان او پاکستان د دفاعي او امنیتي چارواکو ترمنځ د څلور اړخیزې غونډې په اړه خبرې روانې دي.
د نوموړي د څرګندونو اساسي پیغام دا دی، چې د سیمې د امنیتي ستونزو د حل لپاره باید د سیمهییزو هېوادونو ترمنځ همکاري پیاوړې شي او بهرني قدرتونه باید د سیمې په امنیتي چارو کې لاسوهنه ونه کړي.
