کابل ټکی کام آرین خان
د سکاټلنډ کرکټ بورډ له لورې په خپله رسمي وېبپاڼه کې راغلي دي، چې راتلونکې جولای میاشت کې به دوی د افغانستان ملي لوبډلې کوربه توب کوي.
وېبپاڼه کې راغلي دي، چې د سکاټلنډ او افغان ملي لوبډلې ترمنځ سیالي به د راتلونکې جولای میاشتې په ۴مه او ۶مه نېټه وشي.
د وېبپاڼې د خبر له مخې چې دغه دوه نړیوالې پنځوس اوریزې سیالۍ به د سکاټلنډ په ایډیبنرګ ښار کې د افغانستان د ماسپښین دوو بجو پیل شي.
باید ووایو، چې په دې وروستیو کې ایرلېنډ هم د افغان لوبډلې سره په را روانه میاشت کې د پنځو نړیوالو پنځوس اوریزو لوبو خبر ورکړی دی.
د یادولو ده، چې افغان لوبډله به د سکاټلنډ سره د ۲ سیالیو له کولو وروسته د جولای میاشتې په ۱۰مه نېټه د پلان شویو سیالیو لپاره اېرلېنډ ته سفر وکړي.
