هرات: نا پېژانده وسله والو پنځه پنځوس کلنه مېرمن وژلې
کابل ټکی کام ۱۹غويي/۱۳۹۵، احمدالله مهاجر
له هرات ولایت څخه خبري منابع وایي، چې د دغه ولایت ښار کې ناپېژانده وسله والو یوه پنځه پنځوس کلنه مېرمن د ګلولې په مټ وژلې ده.
د هرات ولایت د امنیه قومندانۍ ویاند عبدالرووف احمدي رسنیو ته وویل، چې دغه پېښه د شنبې پر شپه د دغه ولایت په څلورمه حوزه کې رامنځته شوې ده.
ښاغلي احمدي وویل، د پولیسو د پلټنو د پیلولو سره سم وسله والو د پېښې له ځای څخه پښې سپکې کړي دي.
په هرات ولایت کې چې دا ډول پېښې زیاتې شوي دي، عام وګړي یې له سختې اندېښنې سره مخ کړي دي.
د یادولو ده، په هرات ولایت کې له تېرو درو میاشتو راهیسې یوولس کسان په ورته پېښو کې وژل شوي دي.
