ننګرهار: خوږیاڼو ولسوالۍ کې ۳۳ امنیتي ځواکونو ته مرګ ژوبله اوښتې
کابل ټکی کام ۱۳۹۵ چنګاښ ۳ زرغون خوږیاڼی
نن سهار وختي د ننګرهار خوږیاڼو ولسوالۍ وزیرو او مملي سیمو کې د محلي پولیسو او عسکرو په قرارګاه او پوستو بریدونه شوي دي.
د طالبانو ویاند ذبیح الله مجاهد کابل ټکی کام ته په یوه رالیږل شوي خبر پاڼه کې ویلي، چې ددوی ملګرو نن سهار وختي د خوږیاڼو ولسوالۍ اړوند د وزیرو او مملې سیمو کې د محلي پولیسو او ملي پولیسو پر پوستو پراخ بریدونه کړي دي، چې په کې له درنو او سپکو وسلو کار اخیستل شوی دی.
ویاند لیکلي، چې د برید په پایله کې یې ۱۵ پولیس وژلي او ۱۸ نور یې ژوبل کړي دي.
طالبانو په یاده جګړه کې امنیتي ځواکونو ته د مالي زیان اړولو خبره هم کړې ده.
مجاهدوايي، چې په دې جګړه کې ددوی۲ ملګري هم وژل شوي او ۴ نور سر سري زخمیان دي.
همداراز د پولیسو هاوان مرمۍ په یو کور کې دننه لګېدلې، چې په کې یوه میرمن هم شهیده شوې ده.
امنیتي سرچینو تر اوسه په دې اړه څه نه دي ويلي.
