ډاکټر اصف
د لغمان خلک وایي، چې یو شیطان هغه مهال د شیطان ګُم په دښته کې تری تم شو، چې یو لغماني سره د یوې مقابلې پر مهال له ماتې سره مخ شو.
خو په دې وسیله ټولو لغمانیانو ته په درنښت خبر ورکول کیږي، چی نوموړی تری تم شوی شیطان موندل شوی دی او هغه د ایرانیانو په اصطلاح د شیطان بزرګ (امریکا) تر څنګ د اسلام او مسلمانانو پر ضد خپله شیطاني جګړه پر مخ بیایي.
زلمی خلیلزاد، چې په ظاهره په خټه د افغانستان د لغمان ولایت اوسیدونکی دی، خو په اصل کی هماغه تری تم شوی شیطان دی، چې دمتحده ایالاتو جهنمي استخباراتې شبکې (CIA) ته د جاسوسۍپه برکت د لغمان په شیطان ګم سیمه کې تری تم او په امریکا کې یې سر را څرګند کړی اوپه امریکا کې یې د امریکایانو (یهودو او نصاراو) د ګټو د یوه پیاوړي کرکټر په توګه تبارز کړی او په افغانستان کې د امریکا د ناوړو ګتو او موخو لپاره کار او فعالیت ته لا هم ادامه ورکوي، چې یو شمیر فعالیتونه یې درنو لوستونکو ته په مخې کې ږدو:
- خلیلزاد د داود خان د حکومت پر مهال د امریکا په اشاره او د هغوی لخوا د طرحه شويوشیطاني پلانونو سره سم د داود خان د رژیم پر ضد د فعالیت وظیفه پر غاړه درلوده او د داود خان د مخالفینو په تقویه، تجهیز، پالنې او تحریکولو کې یې شپه او ورځ کار کاوه.
- خلیلزاد د امریکا په مالي او نظامي ملاتړ، احمدشاه مسعود قومي، ژبني او سمتي جګړو ته و هڅولو، چې تر یوه حده بریالی شو.
- خلیلزاد د یونیکال او بریډاس کمپنیو په اشاره او د هغوی په بې سارې مالي مرستې هڅه وکړه، چې د طالبانو په اسلامي تحریک کې لاره پیدا کړي او د دغه پاڅون مخه د دغو کمپنیو لخوا د پلان شوې موخې ته واړوي او د خپلو ګټو پر محور یې وڅرخوي خو ناکام شو.
- خلیلزاد د بُن د پریکړو پر مهال خورا هڅه وکړه څو بهرنیانو ته د پښتنو پر ضد مشورې ورکړي او پښتانه بدنام کړي، چې تر یوه حده ناکام شو او حاجی قدیر د همدې پدیدې په لیدلو کنفرانس ترک او له کنفرانس نه احتجاجا ووت.
- خلیلزاد بریالی شو، چې امریکا ته د دغه هیواد د مشرۍ لپاره کمزوری، ضعیف النفس، او ابن الوقت اشخاس ورمعرفي کړی، چې بریالی شو.
- خلیلزاد امریکا ته پر افغانستان د جګړې پر مهال قدم پر قدم هغه مشورې ورکولې، چې د اسلام او افغانستان په زیان او د امریکا او نصرانیت په ګټه وې، چې پکې بریالی شو.
- خلیلزاد و، چې امریکایانو ته یې د افغانستان په کلیو او بانډو کې د پښتنو د وژنې مشورې ورکړې او دا یې ورته جوته کړه، چې له دې لارې کولای شي په خپلو موخو کې بریاوې ترلاسه کړي. چې بریالی شو.
- خلیلزاد په خپل (سیاه) کتاب کې هڅه کړې ده، چې نړیوالو ته په افغانستان کې د پښتنو سلنه ۷۰٪ دروغ او ۳۰٪ سلنه درسته وښیئ او دا ستر قوم نړۍ ته د دغه هیواد یو اقلیت قوم په توګه معرفي کړي، خو بریالی نه شو.
- خلیلزاد و، چې امریکایانو ته یې مشوره ورکړه، چې باید د طالبانو د حکومت له سقوط نه وروسته د حکومت په پایتخت کې واګي د احمدشاه مسعود ډلې او شمالي ټلوالې ته وسپاري، ځکه چې دغه ډله یوه منونکې او اطاعت کوونکې ډله ده، چې بریالی شو.
- خلیلزاد وتوانېدو، چې د افغانستان په حکومت کې هغه خلک راغونډ او برلاسي کړي، چې امریکایانو ته په غلامۍ کې له اسلام، ننګ، ناموس او هر څه نه تیریږي، چې پکې بریالی شو.
- خلیلزاد هڅه وکړه پر امریکایانو دا ومني، چې دا پښتانه دي، چې د تروریزم زیږنده دي او ترهګري د دوی په خټه کې اغښل شوې نو باید چې له ټولو حقوقو نه بې برخې وساتل شي او حقوق یې لږکیو ته په واک کې ورکړل شي او د افغانستان په راتلونکی کې یې رول ورو ورو وویستل شي، چې تر اوسه په دې کې هم بریالی بریښي.
خلیلزاد په اصل کې هغه شیطان دی، چی د لغمان په شیطان ګم دښته کې له لغمانیانو ورک شوی و او په امریکا کې يې سر راووت، لغمانیان دې خبر وي.
