طالبان وايي، بګرام کې یې ۳ امریکایي عسکر وژلي
کابل ټکی کام ۱۴وږي/۱۳۹۵، احمدالله مهاجر
طالبان وايي، چې د پروان ولایت بګرام ولسوالۍ کې یې ۳ امریکایي عسکر وژلي دي.
د طالبانو له لورې په خپره شوې خبرپاڼه کې راغلي دي، چې تېره شپه شاوخوا ۲:۰۰ بجې، د پروان ولایت بګرام ولسوالۍ اړوند په قلندر خېلو سیمه کې د امریکایي عسکرو یو ټانګ د دوی د جنګیالو له لورې پر خښ شوي ماین ور برابر شو، او چاودنه رامنځته شوه.
خبرپاڼه وايي، چې په دغه چاودنه کې یو ټانګ په ټولیزه توګه او ۳ تنه امریکایي عسکر له منځه ولاړل.
د یادولو ده، طالبان هر وخت پر بګرام توغندیز بریدونه کوي، چې امریکایي عسکرو ته ګڼ مالي او ځاني زیانونه اړوي.
