(پرکتاب کره کتنه: سيرت)
درسول الله صلی الله عليه وسلم دژوند دکمکيوالي نه ترنبوت او مبعوثيت پورې او هم دژوند تر وروستيو شېبو او ويناو پورې چې ويې فرمايل: اکملت لکم …. علماءکرامو او دحضور صلی الله عليه وسلم عاشقانو ليکنې کړي دي چې په کتبي او شفاهي توګه ثبت شوي دي. مونږ نن ستاسې دديني معلوماتو دبډاينې او دخپل ستر لارښوود حضرت محمد صلی الله عليه وسلم په ژوند کې دهغه د مبارکومعجزاتو څخه خبر ؤ ، چې ددې معجزاتو پښتو ژباړه ځوان ليکوال مفتي محمدالياس ” فاتح ” کړېده چې په رښتينې توګه يې له يوې خوا دخپل مقدس دين ته دخدمت ټول اسلامي امت سره درښتوالۍ په ثبوت او په ځانګړې توګه پښتنو ته ستر خدمت دی چې يوازې نارينه نه؛ بلکې زموږ په کورنۍ کې ښځينه لوستوالې ترې هم په خپله ديني پوهه کې زياتوالی راوستلی شي .
دا دمعجزو سپیڅلې ټولګه په عامه کچه په ۲۰۹مخونو کې په ۸+۴ اندازه کې ، کمپوز يې ابراهيم ،سميع الله او فضل الله کړی ، دچاپ کال يې ۱۳۹۱ ل ، دحسن بصري علمي ټولنې لخوا چاپ، چې دچاپ چارې يې عنايت خپرندويې ټولنې سرته رسولي دي .
دا ټولګه زر ټوکه چاپ شوې ده پښتي يې مجلده او په ښکلې بڼه شوې اما کاغذ يې لکه څرنګه چې ددې ټولګې سره مناسب او خريداري ؤ نه دی استعمال شوی .
که ددې ټولګې دلوستلو لپاره زموږ خوېندې وروڼه او په يادونې سره ځوان نسل په شپه او ورځ کې يو څرګند او ټاکلی وخت ورکړي دخپل وروستي او ددواړو جهانونو دسردار حضرت محمد صلی الله عليه وسلم دمعجزو او ژوند څخه به په کامله توګه معلومات لاس ته راوړي .
زموږ په ژوند کې ترټولو لومړی په خپل دين،مذهب او دانبياءکرامو په ژوند او اخلاقو پوهيدا ده دهر علم او هنر په برخه کې راسره دکاميابۍ درشل ته درسيدا لپاره مرسته کولی شي.
