دتیرکلونو په نسبت که دیو خوا په روغتیايي ډګر کې تجربې زیاتې شوي او دهر مرض لپاره په ځانګړو څیړنو کې درملي او دمرضونو تشخیص لاره موندلې نو ورسره دسیمو، دهوا دککړتیا او نورو ستونزو له امله چې مرضو نه زیږوی ډول ډول ناروغۍ هم زیاتې شویدی.
دمخه به طبیبانو د طبابت په علم کې دمرض دڅرګندولو لپاره دمریض لاس (نبض)، سترګې ، ژبه مخ رنګ ته کتل اوبیا به يې دځني پوښتنو وروسته مریض ته دیوناني طبابت درمل ورکول چې هغه وخت یوناني درمل ترټولو غوره درمل ګڼل کېدل چې په پوره سادګې او آسانتیا به له قدرتي بوټو اوتخمونو نه جوړیدل.
اوس که دماشینې دور درملي په نوو ډولونو سره جوړیږي یوازې په فیزیکي جوړښت کې يې تغیر راغلي نوری همغه دقدرتې بوټو جوړی درملې دی.
روغتیا پوهانو نظروکړي چې دڅلور کالو په دوران کې دشوې سروې له مخي هر کال په نړۍ کې تر یولک پوری انسان دملاریا تبې له امله ژوند دلاسه ورکوي چې زیات شمیر دغریبو او وروسته پاتې هېوادونو اوسیدونکی دملاریا ښکارکېږی.
د ډاکټرانو نړیوال تنظیم ( ود اوټ بارډرز ) څرګنده کړې چې دجنوبې افریقا اوسیدونکي دپنځو کالو څخه په کم عمر کې ددی تبې او ناروغي له امله مریی چې تر څه حده يې (دکمکیو نړیوالې اداري ) یونسف ورسره مرسته کړیده خو بیا هم ترنوروغریبو هېوادونو په جنوبې افریقا کې دماشومانو مړینه زیاته ده دیونسف نړیوالې اداري پرمختللو هېوادنو څخه غوښتنه کړیده چې ددی مرض ( تبې) ملاریا دله منځه وړلو لپاره په ارزانه بیه درملنې غریبو هېوادنو ته ولیږي یا په ارزانه بیه ولسي وګړوته دواکسین په شکل کی دارو واستوي او هرکال تریو لکو پوری انسانانو ژوند وژغوري.
