کابل: د نوم لیکنې مرکز ته څېرمه چاودنه کې د اوښتو تلفاتو شمېره لوړه شوه
(کابل ټکی کام، ۱۳۹۷، غوایی ۲) د کابل ښار لويديځ د ديارلسمې امنيتي حوزې مربوطاتو کې چاودنه شوې.
د کابل د امنيې قومندانۍ مطبوعاتي سلاکار حشمت ستانکزی وايي، چاودنه په قلعه ناظر سيمه کې د نوم ليکنې د يوه مرکز تر څنګ شوې ده.
د عامې روغتیا وزارت چاروکي وايي چې د چاودنې له امله ۶ کسان وژل شوي او ۲۳ نور ټپیان شوي دي. خو د کورنیو چارو وزارت بیا وايي چې په برید کې ۹ کسان وژل شوي او ۵۶ نور ټپیان شوي دي.
بل خوا، د کورنیو چارو وزارت وايي چې یوه کس د نوم لیکنې د مرکز په دروازه کې ځان ته چاودنه ورکړې ده.
د دغې چاودنې مسئولیت تر دې دمه کومې ډلې پر غاړه نه دی اخیستی.
