دولت د کوهستان ولسوالۍ د بیا نیولو ادعا کړې خو طالبان یې ردوي

(کابل ټکی کام ۱۳۹۷ غویی ۱۶)

په شمال کې د شاهین قول اردو چارواکي خبر ورکوي چې تیره ورځ مازدیګر مهال یې له سختې جګړې وروسته د بدخشان ولایت تازه سقوط شوې ولسوالۍ کوهستان، بیرته له طالبانو نیولې.

د شاهین قول اردو د دویمې لوا ویاند عبدالمناف نظري وایي؛ طالبان د ولسوالۍ له مرکزه وتلي او له کوم مقاومت پرته یې ولسوالۍ نیولې.

په ورته وخت کې د دې ولایت د ولایتي شورا غړی محبوب الرحمان طلعت هم د ولسوالۍ د سقوط خبره کوي او زیاتوي چې طالبانو په زیات شمیر وسلې او نور توکي له ځانه سره وړي او له دوه شپو او دوه ورځو وروسته یې د ولسوالۍ مرکز پریښی.
خو طالب ویاند ذبیح الله مجاهد بیا دا ادعاوې ردوي او زیاتوي چې ملګري یې اوس هم په ولسوالۍ کنترول لري .
نوموړی وایي د بدخشان په کوهستان ولسوالۍ کې ټول تعرضونه پرشاتمبولي او په خبره یې “د دښمن هغه ادعا حقیقت نلري چې وایي ولسوالۍ یې بیرته نیولې.“
د دې ترڅنګ طالبانو ادعا کړې چې ماښام مهال یې ۴ نور کلې او مهم سنګرونه هم له دولتي ځواکونو نیولي او د هغوی ۵ تنو کمانډویي ځواکونو ته یې مرګ ژوبله اړولې.