(کابل ټکی کام ۱۳۹۷ غویی ۱۶)
د کابل د یو شمیر سیمو د ښونځیو شاګردان او د هغوی کورنۍ وایی چې د ۱۲ ټولګیو تول زدکړیالان اړ ایستل کیږي چې د نوم لیکنې په پروسه کې ګډون وکړي.
دوی وایي، استادان مو له ښوونځي څخه په خارجولو، په کلنیو امتحاناتو کې پر ناکامۍ او وهلو ټکولو اړ باسي ترڅو د ثبت نام مرکز ته ورشو او کارت تر لاسه کړو.
دوی زیاتوي
“ موږ ته وایي چې ورشئ کارتونه واخلئ کنه د دولسم اسناد نه درکوو چې بیا د کانکور له آزموینې هم بې برخې یاست“
د طلوع خبریاله مریم سما وایي؛ چې د ښوونځیو د شاګردانو له کورنیو سره یې له نږدې کتلي او هغوی ورته د یادې ستونزې شکایت کړی.
د احمد په نامه یو مشر وایی؛ د ټاکنو کمیسیون یو ځل را څخه د نجونو ښوونځي د رای اچونې په پلمه ونیول او د شاګردانو درسونو ته یې ستونزې ایجاد کړې، اوس کوچني شاګردان په اجباری توګه په دې پروسه کې ګډون ته هڅوي.
د حاجي جاوید په نامه یو تن وایي؛ د نجونو ښوونځیو کې د ټاکیزو مراکزو شتون اخلاقي فساد ته لار هواره کړې او دوی د خپلو لوڼو ور استولو زړه نه ښه کوي.
بل پلو د پوهنې وزارت هم په ښوونځیو کې د نوم لیکنې د مراکزو شتون وارخطا کړی او تیره ورځ یې د دوهم ځل له پاره د ښوونځیو په تدریسي خونو کې د یادو مراکزو پر فعالیت اندیښنه څرګنده کړه.
نه یواځې کابل بلکې په هلمند او کندهار کې هم خلک اړ ایستل شوي تر څو د ثبت نام په پروسه کې ونډه واخلي.
د هلمند او کندهار ځایي ادارې ولسي خلک تحدیدوي او هغوی ته ګواښونه کوي چې باید د ثبت نام په پروسه کې ګډون وکړي کنه هیڅ عاریضه به یې ونه منل شي او د سیمې د خلکو په وینا چې د ټاکنو د کارت په نشتون کې په لویو لارو کې هم ځورول کیږي
