امريکا: د یهودو پر عبادت ځای وسله وال بريد شوی
(کابل ټکی کام، ۱۳۹۸، غویی ۸)
دامريکا کليفورنيا ايالت د يهودو پر يوه عبادت ځای وسله وال بريد شوی چې پنځو کسانو ته يې مرګ ژوبله اړولې ده.
راپورونه وايي، بريد د سهار دولس بجو په شاوخوا کې د سن ديګوښار په يوه کليسا کې شوی.
پوليس وايي، په بريد کې یو کس وژل شوی او څلور تنه نور ټپيان دي.
د پوليسو په وينا، بريدګر نيول شوی چې نوولس کاله عمر لري خو تر اوسه د ابريد انګيزه نه ده معلومه.
د امريکا ولسمشر ډونالډ ټرمپ د قربانيانو سره غمشريکې څرګنده کړې او وايي، داسې ښکاري چې بريد د کرکې له کبله شوی وي.
ویل کيږي، له تير یوه کال راهيسې د يهودانو پرضد بريدونه زيات شوي.
