زلمی خلیلزاد کابل ته راغلی، له ولسمشر غني سره یې لیدلي
کابل ټکی کام ( شنبه، ۷ غوايي ، ۱۳۹۸ل)
د افغان سولې لپاره د امریکا ځانګړی استازی زلمی خلیلزاد کابل ته راغلی او په ارګ کې یې له ولسمشر غني سره لیدلي دي.
خلیلزاد افغاني چارواکو ته د خپل راتلونکي سفر په اړه معلومات وړاندې کړي دي.
خلیلزاد وروسته له هغه کابل ته راځي چې تیره ورځ یې د چین، روس او امریکا په درې اړخیزه غونډه کې ګډون درلود.
زلمی خلیلزاد د افغان سولې په اړه سیمې ته پخپل شپږم سفر بوخت دی چې د می میاشتې تر ۱۱مې نیټې پورې به دوام وکړي.
خلیلزاد به د خپل دې سفر په ترڅ کې په قطر کې له طالبانو سره هم خبرو ته کیني.
