کرکټ: د نړۍ وال جام لومړۍ سیالي روانه ده
کابل ټکی کام( پنجشنبه، ۹غبرګولي، ۱۳۹۸)
نن د کرکټ د ۲۰۱۹نړۍوال جام سیالیو لومړۍ لوبه روانه ده.
ننۍ لوبه د انګلینډ او سوت افریقې ترمنځ ده چې اوس مهال هم روانه ده.
انګلینډ توپ وهنه کړې او د پنځوسو اورونو په لوبولو سره یې ۳۱۱ منډې جوړې کړي دي.
د انګلینډ ۸ لوبغاړي سوځیدلي وو چې پنځوس اورونه پوره شول.
انګلینډ سوت افریقې ته ۳۱۲منډې هدف ټاکلی دی.
دمګړی سوت افریقه توپ وهنه کوي او انګلینډ په بالینګ بوخت دی.
سوت افریقې د ۲۳ اورونو په لوبولو سره ۱۲۹ منډې جوړې کړي دي.
د سوت افریقې درې لوبغاړي سوځیدلي دي.
د یادونې وړ ده چې دا دواړه لوبډلې د کرکټ په نړۍ کې په بې ساري ټیمونو پیژندل کیږي.
په دې جام کې د افغانستان لومړۍ لوبه په اول تاریخ له اسټرلیا سره کیدونکې ده.
