کابل ټکی کام (شنبه، مرغومی ۲۶مه، ۱۳۹۴ ل): نن افغانستان د بهرنیو چار وزارت خبر ورکړی، چې ګاودنډي هېواد تاجکستان په افغانستان کندز او بدخشان کې خپلې قونسلګرۍ وتړلې .
افغانستان د بهرنیو چارو وزارت چارواکي وايي، چې دغه اقدام تاجکستان په یادو ولایتونو کې د یو شمېر نا امنیو له امله کړی دی.
د بهرنیو چارو وزارت ویاند شکیب مستغني تېره ورځ رسنیو ته په یوه بیانیه کې وويل :
چې تاجکستان هېواد د یوه رالیږلي یادښت په ترڅ کې ويلي، چې د یو لړ امنیتي اندېښنو له امله يې خپلې قونسګرۍ تړلي دي.
نوموړي وویل په یادښت کې دغه راز ويل شوي دي، چې امنیتي ستونزې حل شي دواړه قونسګرۍ به بېرته پرانيستل شي.
د تاجکستان دولت ویلي دي، چې د دوي دغه اقدام په دې مانا نه دی، چې د کابل او د دوشنبې سیاسي اړېکې سړې شوي بلکه، د دوي دغه اقدام به د افغانستان او تاجکستان پر دوستانه باندې هېڅ اغېزه ونه کړي .
سليم بریال
