کابل ټکی کام (یکشنبه ، ۹ چنګاښ ، ۱۳۹۸ل)
نیویارک ټایمز ورځپاڼې دطالبانو او امریکایانو ترمنځ دمذاکراتو او ددې ډلې له لوري په داخلي او خارجي قواوو وروستۍ خونړۍ جګړې په خپلو مطالبو کې رانغاړلي.
ورځپاڼې دکندهار معروف اوبغلان وروستیو بریدونو ته اشاره کړې، ددوی په خبره طالبان دمذاکراتو پرمهال په خپلو مخالفینوځکه خپلو جګړو ته زور ورکوي چې دوی دخپلو شرایطو منلو ته اړ باسي.
ټایمز دمذاکراتو په اړه زیاته کړې، پرونۍ خبرې د قطري منځګړو په ګډون او د کلکو امنیتي تدابیرو په ترڅ کې د بهرنیو چارو وزارت په یوه څانګه کې په ښه توګه ترسره شوي دي.
د دې ورځپاڼې د معلوماتو له مخې امریکایي او طالب استازو د هوکړه لیک د مسودې په برخه کې هم پرمختګ کړی خو نور پرمختګ د دې لپاره ځنډیدلی چې له ګډ حکومت سره د خبرو پړاو ته څه ډول داخل شي.
ورځپاڼې د لویدیځ هېوادونو د چارواکو په حواله لیکلي که امریکایي او طالب استازي د ځواکونو پر وتلو او ترهګرۍ ضد مبارزې پر سر هوکړه وکړي نو شونې ده چې د افغانانو یوه شاخوا شپیته کسیزه ډله په راتلونکو څو ورځو کې له طالب استازو سره وګوري او دا کتنه به د ګډ دولت او طالبانو ترمنځ د مخامخ خبرو لپاره یوه پيلامه وي.
ورځپاڼه وړاندې لیکي دواړه لوري د جګړې په ډګر لاسته راوړنې د خبرو په ډګر کې د برلاسۍ لپاره کاروي.
ټایمز ورځپاڼې د افغان سولې په هڅو کې د جرمني ګډون ته په اشارې سره لیکلي، جرمنیان له قطري چارواکو سره په ګډه د افغانانو ترمنځ د یوې غونډې لپاره تیاری نیسي.
ورځپاڼه زیاتوي، شاید چې داهېواد وسلوالو طالبانو سره خپلې اړیکې پراخې، او په نږدې راتلونکي کې دیوې شاندارې غونډې کوربه توب هم وکړي.
