غورځنګ
په دې وروستيو کې افغان دولت او امریکايي ځواکونو خورا زيات وحشت او دهشت پیل کړی دی او د هېواد په مختلفو ولايتونو کې شپنۍ چاپې اچوي، چې په ترڅ کې يې قربانيان ټول عام افغان ولس دی، د افغان حکومت او امريکايانو په دغه ډول بريدونو کې عام ولسي وګړي، ماشومان، ښځينه، سپين ږيري، غير محارب خلک او نور دغه ډول بې ګناه وګړي په شهادت رسول کېږي.
او ورسره عام المنفعه ځايونه لکه: کلینيک، مساجد، ښوونځي او نور ځايونه په نښه کېږي او تر ټولو د تأسف وړ بیا دا کله چې دغه ډول بريدونه په سوشل ميډيا کې خورا وحشت وښودل شي او بې پرې خلک يې وحشت وبولي، نو افغان دولت د دې پر ځای چې له دغه ډول افغان وژنې څخه لاس پر سر شي، په خورا سپن سترګۍ سره ادعا کوي چې ګواکې په دغه برید او چاپه کې يې دومره طالبان وژلي دي او يا يې هم ټپيان کړي دي او وايي چې ياد بريد يې د طالبانو په مرکز کړی دی.
که څه هم د امریکايي وحشيانو او داخلي حکومت له لوري دغه ډول بريدونه په په نړيواله کچه دهشت او وحشت بلل کېږی او ويل کېږي چې د دولت په ناکامۍ دلالت کوي، يعنې دولت د طالبانو پر وړاندې نشي درېدلی او نه هم ورڅخه د خپل ځان دفاع کولی شي نو ځکه خپل غچ له عام افغان ولس څخه اخلي.
کله چې دغه ډول بريدونه په عام افغان ولس زيات شي نو عام افغان ولس بيا د خپل غچ د اخيستلو بله لار نه لري نو ځکه خو يې سترګې د طالبانو په لور اوښتې وي، او دا چې طالبان هم له د افغان ولس له منځه راوتلی او رامنځته شوی تحريک او ځواک دی نو ځکه د عام ولس غږ ته لبيک وايي او تل ورسره وعده کوي چې غچ به يو په لس اخلي.
چې په ترڅ کې يې بيا د طالبانو له لوري دولتي ځواکونو له سختو بريدونو او خونړيو حملو سره مخ کېږي او بیا دغه ډول بريدونه د افغان ځواکونو بېخ باسي.
يعنې که چېرته محاسبه وشي نو معلومه به شي چې دعام افغان ولس د انتقام لپاره په څلرويشتو ساعتونو کې سلګونه عام افغان عسکر وژل کېږي.
د طالبانو له لوري بريدونه چې سږ کال يې ټول تمرکز په چاپه مارو ځواکونو نيولی دی؛ ورځ تر بلې ګړنديتوب مومي، يعنې ورځ تر بلې سختېږي، خو دولتي لوری له دا ډول حالاتو سره سره بيا هم د خپلو بادارانو په امر پر افغان ولس خپل بريدونه او وحشي چاپې نه ودروي او لا هم زور ورکوي.
نو په پای کې بايد ووایو چې دا دی اوس امریکايان تر دې حده پورې رسېدلي دي چې شايد ووځي او د خپلو پوځيانو د وتلو لپاره ډېره زياته عجله کوي.
نو کله چې امريکايان ووځي او افغان ځواکونه د طالبانو رحم او کرم ته پاتې شي نو بيا به طالبان د عام افغان ولس، د شپنيو وحشي چاپو او نورو وحشتونو غچ له دوی څخه وانه خلي؟؟
او له دوی سره د دوی د خپل عمل عکس العمل ونه کړي؟؟ هغه څوک چې ټول کور يې په وحشي چاپو کې وران او ويجاړ شوی دی، له طالبانو څخه به د دغه ډول وحشي عسکرو د سختې محاکمې غوښتنه ونه کړي؟؟ طالبان به دغه ډول خلک محاکمه نه کړي؟؟
خامخا به دغه ډول خلک د خپل جرم په سزا رسېږي، او دغه خلک به خامخا د طالبانو رحم ته لوېږی او بيا به عام ولس د دغو وحشي او ځناورو عسکرو د محاکمې غوښتنه کوي. او لکه اوس چې طالبان په دغه ډول عسکرو باندې خونړي بريدونه کوي، نو بيا به له دې نه هم سخت عاقبت سره مخ کېږي.
