دوحه: اتم پړاو خبرې پیل شو
کابل ټکی کام( شنبه، ۱۱زمری، ۱۳۹۸)
رویټرز خبري اژانس خبر ورکړی چې د قطر په دوحه کې د طالبانو او امریکایانو ترمنځ اووم پړاو خبرې پیل شوې.
رویټرز ته باخبره سرچینو ویلي چې دا راونډ به حیاتي اهمیت ولري او ښایي مهمې پرېکړې پکې وشي.
د سرچینې په وینا چې دا خبرې ممکن د ۱۳م اګست نه وړاندې په یوه ګډ هوکړه لیک پای ته ورسییږي.
د طالبانو یوه لوړپوړي چارواکي رویټرز ته ویلي چې د دوی ۱۹ کسیز پلاوی په دې مذاکراتو کې ګډون کوي او په وینا یې چې د خبرو د اوږدیدو لامل د بهرنیو ځواکونو د وتلو پر سر خبرې وې.
طالب چارواکي زیاته کړې چې دوی به په هېڅ قیمت په افغانستان کې د امریکایي حضور سره توافق ونه کړي.
د یادونې وړ ده چې زلمی خلیلزاد د کابل او اسلام اباد له سفر وروسته تیر ماخستن د قطر دوحې ته ورسید او نوموړي له هغه ځایه په یوه ټویټ کې وویل چې موږ موافقې ته نږدې شوي یو.
ویل کیږي دا به د طالبانو او امریکایانو ترمنځ اخري او وروستی پړاو خبرې وي او له دې وروسته به بین الافغاني مذاکرات پیلیږي چې افغان حکومت به هم د یو لوري په حیث ګډون پکې کوي.
طالبان وایي، دوی د کابل حکومت په رسمت نه پیژني او د یوه “ګوډاګي رژیم” په سترګه ورته ګوري چې له همدې امله هم خبرو ته ورسره نه کیني.
