دا په نوم یوازې یو ګولۍ(ټیبلیټ) ده خو په حقیقت کې دا ګولۍ د څلور ډوله دوايي څخه جوړه ده، چې د زړه بدوالی، شکرکمول، په زړه حمله راتلل او د ګوزڼ څخه د مخنوي لپاره کار کوي، په دې ګولۍ کې اسپرین شته چې د وینه نري کوي، اسټیټن پکې شته چې په وینه کې د کولیسترول کموي چې دې سره لوړ فشار هم ټيټیږي بل پکې د شکر کمولو دوا شتون لري چې دې ټولو یو ځاې شوو موادو ته پولي پيل((polypil ګولۍ وايي.
د دې ګولۍ په اړه د طب مشهورې جریدې “د لينسټ” په خپله تازه ګڼه کې وايي، په به دې ګولۍ د ۵ کلونو به موده کې د ایران په ۱۰۰ مختلفو قریو کې په ۳۴۰۰ تنو چې عمرونه د ۵۰ او ۷۰ کلونو تر مینځ ول دا دوايي پرې وازمویل شوه چې په دې موده کې د ناروغانو پر صحت ښه اغیزه وکړه په دې اوږده طبي څیړنه کې د ایران طب پوهانو علاوه برتانویانو، فرانسویانو او امریکایانو هم برخه اخیستې وه.
د ایران په هغه ځایونو کې چې دا څیړنه پرې شوي هلته په ښکاره ډول د زړه حمله راتلل او ګوزڼ یا فالج پېښو کې د پام وړ کموالی راغلي وه، داسې ګولیو جوړول چې څو دوایانې پکې يو ځاې وي د طب پوهانو په اند ناروغانو لپاره ډیرې ارزانه پریوزي، دغه پولي پيل د یوې ګولۍ بیه له ۲ څخه تر درې افغانیو پورې کیږي چې له یو خوا ناروغ ته تاوان نه رسوي او له بل پلوه ارزانه ده.
