غورځنګ
تاريخ شاهد دی چې افغانستان هر وخت د يرغلګرو د جنګ اډه ګرځېدلې ده او هر يرغلګر چې زور موندلی دی نو پر افغانستان باندې يې خپله لښکرکشي کړې ده او خپل زور يې دلته ازمويلی دی. خو دا چې افغانستان ولې هر وخت د يرغلګرو له يرغلونو سره مخ کېږي؟؟ نو دا پوښتنه ډېرو خلکو مطرح کړې ده خو ډېر ځوابونه هم دغې پوښتنې ويل شوي دي او د دې په اړه ډېر لاملونه هم په ډاګه شوي دي چې دلته به يې څو ورڅخه راواخلو:
۱ـــ دا خبره مشهوره ده چې افغانستان د جغرافيايي موقعيت په لحاظ د اسیا د بام او چت حيثيت لري نو هر چا چې په دې سیمه باندې ولکه وموندله داسې دی لکه چې پر ټوله اسيا يې ولکه موندلې ده.
دا خبره هم تر ډېره حده پورې صحيح او سمه ده ګران هېواد د د اسيا د زړه حيثيت لري، ځکه چې د موقعيت له نظره مهمه سيمه ده او د هندوکش د غرونو اساسي نقاط زمونږ په هېواد کې دي.
۲ـــ خو تر ټولو اساسي او مهمه نقطه چې تاریخ پوهان او شنونکي يې به ګوته کوي دا ده چې له کومه وخته چې افغانستان ته د اسلام مبارک دين راغلی دی له هماغه پيله بيا تر اوسه پورې په همدې مبارک او سپېڅلي دين باندې تر ټولو کلک ولاړ خلک پکې اوسېږي او بلکل له اسلام څخه چا ته نه تېرېږي او بالمقابل کله چې يهودو او نصاراوو د پر اسلامي نړۍ يرغلونه پيل کړي دي او اسلامي نړۍ په خپلو نظامي اهدافو کې شامل کړې ده نو افغانستان هم په دغه نظامي هدف کې دی، چې دغه نظامي هدف کفري يرغلګرو ته تر ټولو ستر هدف همدا دی، او کفري نړې چې اوس يې نږدې ټول اسلامي هېوادونه لاندې کړي دي او لا يې هم لاندې کوي، خو دا هېواد چې کفري نړۍ ته تر ټولو ستر او نظامي هدف دی؛ او نږدې ټولې کفري نړۍ ورته اشر کړی دی، خو لا يې هم نه دی لاندې کړی بلکې هغه لافې او شاپې چې نولس کاله پخوا يې کولې اوس يې په سيند باندې لاهو کړې او تر اوسه پر دې باندې يرغلګر ونه توانېدل چې دغه وړوکی هېواد کنټرول کړي. او يا هم د دوی په اصطلاح امنيت پکې راولي.
چې دا يې تر ټولو ستر لامل دی.
۳ــ دريم لامل يې شنونکو دا هم ښودلی دی چې د دې ځای افغانستان خلک له پخوا څخه راواخله او بيا تر اوسه پورې دا وړتيا او استعداد لري چې پر نورو سیمو هم حاکميت وکړي او نورې سيمې لاندې کړي او يا هم د اسلام مبارک دين نورو غيرمسلمو سیمو ته هم ورسوي؛ خو کفري نړۍ بیا دا هيڅکله هم نه غواړي او نه يې هم مني چې اسلام دې تر نورې کفري نړۍ هم ورسېږي.
بلکې کفري نړۍ په دې پسې را اخيستې چې په اسلامي سيمو کې دې هم اسلام ضعيف او کمزوری وي. نو ځکه يې خپل ټول نظامي قوتونه سره ټول کړي دي او پر يوه خوله او اتفاق يې پر مسلمانانو باندې لومړی د خپلې خوښې حاکمان مقرر کړي او د همدغو لاسپوڅو غلامانو پواسطه يې پرې د خپلې خوښې نظامونه هم مقرر کړي دي او بيا که چېرته کوم هېواد دغه نظام نه مني او پر وړاندې يې پاڅون کوي او يا هم په خپل هېواد کې اسلامي نظام غواړي؛ نو کفري نړۍ پرې خپل نظامي او هر ا ړخيز يرغل او حمله کوي.
