ماچې د مینې له بازار څخه ښکلا راوړې!!
صابرجان محصل
ماچې د مینې له بازار څخه ښکلا راوړې
مړاوي ژوندون ته مې د هیلو نوې ساه راوړې
د خیال کوترې مې د وخت پر طبیبانو ګرځي
زخمي زړګي ته یې د درد بله دوا راوړې
د زړګي للمې به مو شنې شي د رحمت په باران
اسمان وریځ دی زموږ تر کلي یې برېښنا راوړې
د ساحرانو ښاماران به اوس ژوندي تېروي
ما د موسی نبي هغه زړه امساء راوړې
د نوح طوفان د نیل څپې د ابابیلو ګوزار
بس ظالمانو ته مې دغه ښه جزا راوړې
فلکه نور مو ابتلا کې د غم مه ازمایه
تحفه کې موږ درته د خوار یتیم ژړا راوړې
غافل زلمي لږ تخنوومه د.صابر. قلم یم
په پټه خوله مې د بلال ښکلې صدا راوړې
